曾比特北上參加《聲生不息》，成功打開內地市場，其所屬唱片公司環球音樂亦在本月中為佢推出首張專輯《MIKE》，專輯暫時只有Deluxe Edition。

何謂Deluxe？全碟共11首歌，再加36頁嘅硬皮寫真歌詞冊一本，索價250港元正！雖說音樂無價，但睇返大碟內嘅歌曲，5首派台歌《我不如》、《我不是邱比特》、《奔跑吧!》、《我以為》、《新年快樂》之外，亦收錄了與ONE PROMISE的合唱版本以及國語版本的《奔跑吧》，另外亦有曾在ViuTV節目《Chill Club》中獻唱過的《手望》以及《娛樂人生》live版本……再睇睇去年張敬軒推出嘅《The Brightest Darkness》 2CD加埋17首歌都係索價299元、泳兒嘅《DARK LIGHT OF THE SOUL》16首作品，索價169元正，就連同係環球嘅陳凱詠，2CD共18首歌都係只售169元。曾比特嘅首張專輯似乎略貴，但同樣地亦可見唱片公司對佢信心十足。