為咗《聲生不息》，楊千嬅已經有近兩個月無見囝囝Torres，雖然少咗時間陪屋企人，但與此同時，千嬅都賺到笑。

近日佢獲奶粉品牌獲封為「首席形象大使」，海報中嘅佢身穿白色西裝外裝，連頭髮都由佢最愛嘅紫色為產品嘅深藍色，甚有行政人員feel。至於個樣，未知係咪因為內地本身習慣用美顏，所以睇嚟非常青靚白淨，甚至有點少女味……不過有香港網民就認為過份美圖，只會令件事變壞，仲話「唔知以為啲人專登改圖醜代佢」。

其實千嬅呢個行政造型，去年12月已經被用作微博善慈宣傳， 而在今年3月，同一張相，被用作「地球一小時」嘅宣傳；而喺今個月，呢張相就成了美贊臣嘅海報，而為咗與時並進，更將千嬅嘅髮色由黑變為藍色！