陳冠希近年同老婆以及囡囡一家三口定居美國，不過近日有傳佢人在香港工作，而今日有網民喺小紅書以「在香港錯過彭于晏，偶遇陳冠希更開心」為題，分享同陳冠希嘅合照，並指自己買咖啡時遇上昔日男神，然後鼓起勇氣同對方合照，又大讚陳冠希十分隨和。照片中，只見陳冠希狀況雖然不錯，但明顯老了不少，唔少內地網民都留言表示「冠希哥老成趙本山了」。

雖然未知陳冠希今次返港目的，不過日前佢就去咗剛開幕嘅全新藝術畫廊Haus of Contemporary，事關藝術家Syan (MC仁)、國際知名攝影師兼導演夏永康(Wing Shya)以及當代藝術家David Kaye嘅作品在上址作期間限定展出。