前無綫《東張西望》元組級主持宋熙年（Sarah）今日（4/7）現身荃灣有線大樓出席自己有份主持的開電視全新資訊節目《一線搜查》開廠拜神儀式。對於被指重返主播台領軍對撼舊東家無綫《東張西望》，Sarah急忙澄清：「其實唔同年代，唔同嘅電視台都會不繼有唔同嘅時事節目，咁所以就唔好將我哋呢個節目同《東張》去比較，因為《東張》的而且確係一個高質嘅節目。變咗更能提醒我哋要做得更好，而電視行業能夠做到百花齊放亦係一件好事。」