薛家燕（家燕姐）今日（13/7）現身電視城古裝街出席無綫賀歲喜劇《黃金萬両》開鏡拜神儀式。家燕姐表示：「其實我都有4至5年冇拍古裝劇，喺咁熱嘅天氣下拍係會好熱啲同辛苦啲，不過我係面不改容嘅，係因為我可以控啲汗唔會喺塊面度出，如果你問我點控制，我就唔知點講好，我係由細拍電影鍛鍊返嚟嘅。但個身啲汗就控制唔到喇，拍完成件衫都濕晒，拍咗十幾日，我係瘦咗3磅，唯有當係焗桑拿，當減吓肥氹自己。」