【烈火雄心】關詠荷6月回巢拍第四輯？ 監製王心慰：有傾過
撰文：林通賢
出版：更新：
網民熱傳《烈火雄心4》今年6月由監製王心慰開拍，由黎耀祥、關詠荷主演。（資料圖片／網上圖片）
網民經常都想無綫將一些經典劇集重拍或出續集，好像《創世記》、《尋秦記》等……只要傳話開拍，都一定會引起廣泛討論，今次就輪到《烈火雄心》。最近討論區忽然說起《烈火》今年6月拍第四集，最吸引是找來關詠荷回巢，夥拍三屆視帝黎耀祥，還有敖嘉年當第二男主角，真係傳到似層層。
《烈火雄心3》2009年播映，當時有傳鄭嘉穎和王喜不和。（網上圖片）
網民無限聯想，但是不是真呢？黎耀祥就以WhatsApp回覆：「自己未清楚，沒有通知。」而《烈火雄心》監製王心慰就答得好懸，她接受《香港01》訪問時說：「係有呢個諗頭，亦有傾過，但公司最後畀第二個Project我搞，多謝網民關心先，(有冇搵關詠荷？）呢樣真係冇，第二個Project都冇，（今年唔拍《烈火》，下年拍唔拍呢？）我覺得《烈火》要配合時代，佢要好貼地，劇情唔可以太誇張，如果唔係就唔好睇，所以都未答到大家。」
《烈火雄心》第一輯卡士最強，每個角色都鮮明，最搶鏡是「南山三虎」。（網上圖片）
《烈火雄心》為網民心目中的神劇，當然最神一定是第一輯和第二輯，尤其第一輯，除了有娥姐外，亦有古天樂，加上「南山三虎」王喜、錢嘉樂、鄭敬基，還有完美奸人鄭子誠，早前深夜重播都引起網民追睇。