羅家英與汪明荃（Liza姐）在1989年因經常拍攝粵劇互生情愫，二人拍拖到2009年簽紙結婚，他們已經相戀33年，經常也會在網上大曬恩愛。

最近ATV的抖音帳號中，發布當年羅家英接受主持周梁淑怡的訪問，她很直接的問道，家英哥當年與Liza姐究竟是誰追求對方先。起初家英哥不太願意回答，但被主持多次追問下終於回答，家英哥先叫大家試想一下：「阿姐又有錢、又靚、又有地位、又有名譽，我只係做大戲，雖然我有少少錢、少少名氣、少少地位、都生得唔錯，但大家都係格格不入。佢個種高度，如果佢唔低少少我點攀上去，要互相你就下我就下佢，如果佢唔暗示唔應承，我想追都追唔到啦。」

言下之意，家英哥的意思是Liza姐採取主動先，「主動好似係佢，佢問我鍾唔鍾意佢，咁就有一晚佢做完一套戲，第一次同佢合作，叫《穆桂英大戰洪州》，過幾日佢好開心，走過嚟着紅色衫，攬住我錫咗我一啖，話好多謝我，就咁樣開始。」

點擊睇當年家英哥及二人Sweet照！