許廷鏗孖吳林峰11月開騷玩住家feel 邀請「鄰居」岑寧兒任嘉賓
撰文：盧凱瑤
出版：更新：
許廷鏗（Alfred）與吳林峰雖然不同時期出道，但幾年前因音樂而相遇，最終由網友變成同台開騷的兄弟，對於這段「Bromance」緣份，他們也表示非常奇妙。因此二人宣布將於11月18日與灣仔會展舉行音樂會，情如兩兄弟的他們以「家」作為主題，更邀請到「鄰居」岑寧兒擔任嘉賓，三位實力歌手破天荒聚頭，相信在10月13日門票公開發售當日，將會掀起一輪撲飛熱潮！
許廷鏗（Alfred）與吳林峰情如兄弟！
吳林峰重提當年得知Alfred一次在直播時點名提到自己，興奮到膽粗粗在Instagram私訊對方：「我當時真係好開心，即刻私訊Alfred多謝佢，佢仲讚我唱歌好聽。之後就咁樣開始傾偈，當時我好迷惘，佢畀咗好多鼓勵同方向我。」而Alfred坦言初次在網上看到吳林峰街頭Busking的片段時，彷彿看到初出道的自己：「我對佢嘅表演好有印象，諗起啱啱入行嘅我，好自由自在，想唱咩就唱咩，唔使有任何商業考量。」自此兩人不時會約出來交流音樂，在音樂路上互相扶持，關係猶如一家人，Alfred說：「我覺得同吳林峰相處好自在舒服，好似一家人咁，希望我哋呢種家人嘅感覺可以延伸畀觀眾，令大家入場睇今次音樂會都感覺到家嘅感覺。」
Alfred初次在網上看到吳林峰街頭Busking的片段時，彷彿看到初出道的自己。
提到當得知與對方開騷的第一反應，吳林峰指去年開騷邀請Alfred合唱後，一直希望能合作舉行音樂會：「我收到呢個消息嗰陣簡直覺得係夢想成真，立即搵吓有咩歌可以同Alfred一齊唱。加上我喺拎獎時都曾經多謝過佢，我希望可以喺呢個騷做到答謝Alfred嘅效果。」至於Alfred表示一直期待這個組合的出現：「好似冇乜機會喺大眾平台畀大家了解到我哋，講出嚟又太肉麻，反而依家用好音樂交代最合適。」
點擊下圖更看更多相關圖片：
+7