無綫新選秀節目《中年好聲音》今日（3/11）於電視城錄影廠舉行拜神儀式，部份參賽者亦有一同出席。其中一位入圍女參賽者是著名歌手李玫的二家姐李思林（Nancy)，曾參選1992年香港小姐的Nancy，以第9名成績進入決賽，亦同家姐合唱過歌曲。她接受《香港01》訪問時表示：「其實點解我會嚟參加呢個節目，喺我細細個嘅時候，已經參加好多表演大賽，同時亦攞過唔少獎項，但到我升上大學之後，我就冇好好咁去行呢條路。變咗我而家好想去完成自己兒時嘅夢想。，所以就決定嚟參賽。」

被問到會否害怕被人拿來和妹妹作比較？Nancy表示：「我覺得咁多年，你話我唔驚就假嘅，講真其實都驚嘅。而我好想話俾大家聽，唔好咁快就將我同佢比教咗。除咗呢個壓力之外，我同佢係截然唔一樣嘅歌手。我好希望大家俾個機會我，俾我呈現一下，我係邊一個。其實我都有叫大家姐嚟參加，但佢都好怕呢個壓力，而我就同佢講，等我衝鋒陷陣先，等我呈現俾佢睇，觀眾同聽眾係會俾我呢個機會。」

點擊睇更多李玟精彩演出：