張曦雯（Kelly）早前於IG貼出與媽媽的合照，不少網民都大讚張媽媽保養得宜，後生，不過亦有網民表示張曦雯與媽媽不太似樣，更有人在討論區召喚「抽水KOL」林作，要求替張曦雯與媽媽驗一驗DNA。有抽水機會，林作當然不會放過，還於IG上轉貼了有關報道，寫道：「我好公道嘅，攞佢老豆個樣黎睇過先！」明刀明槍地隔空挑機。

今日（10/12）張曦雯出席美容公司開幕活動，她接受《香港01》訪問，知道林作也關注她和媽媽的合照後，她就笑言：「唔似媽咪就梗係似爹哋㗎啦，呢個都係一個話題嚟嘅咩？哈哈哈，唔係我媽咪一個人DNA生出嚟㗎嘛。由細到大啲人都會覺得我似爹哋多啲，我細佬就好似媽咪，所以係一人似一個。」

被說與媽媽不似樣會不會生氣？她回答：「我覺得搞笑囉，唔係話要兩個似。」提到被網民說不是親生，她也回答：「講呢個又唔係好好，我同爹哋係似樣嘅，我覺得都冇乜嘢需要解釋。」張曦雯也透露，爸爸媽媽會在一月到香港與她一起過農曆新年。她還說：「哈哈，到時有機會影張全家福畀大家睇吓。」