今日（21/20）無綫新劇《有種好男人》在商場舉行宣傳活動。擔任主持的林正峰，在影獨照時，被一旁的群眾認錯是MIRROR成員Anson Lo（盧瀚霆），向着他大喊「Anson Lo」！林正峰今日梳了與Anson lo同款髮型「招牌心形瀏海」，未知是否因這個原因，在場群眾混淆了。

林正峰接受《香港01》訪問時露出錯愕的表情：「真係㗎？多謝佢咁睇得起我，因為Anson Lo好有才華，我都有留意佢啲嘢都鍾意嘅，所以將我誤認錯咗佢，我都唔好意思，不過我好開心嘅！」

年輕有活力的林正峰除了被誤認成Anson Lo 外，他更自爆早前到韓國旅行，被韓國人誤認成《女神降臨》男二黃仁燁，他說：「我最近去咗韓國，俾人誤認咗係當地有拍韓劇嘅星，咁就行咗過嚟問我可唔可以影相，但佢講韓文，我唔係好聽得明，跟住我就講sorry（佢哋以為你係韓星？）可能係，因為我除咗眼鏡（話你似邊個？）《女神降臨》嘅男二，佢哋就話有啲似，咁我都開心嘅！」