「歌神」許冠傑（Sam）將於下月舉行巡迴演唱會的馬來西亞站，有傳他4月將在香港開騷，日前大會上載一條黃子華以新聞報導形式細談「歌神論」，黃子華表示：「神係需要由冇到有創造，許冠傑係創造咗粵語流行曲，許冠傑之前係有粵語歌曲，但係係唔流行。因為今時今日大家聽慣咗粵語流行曲，大家已經唔記得咗，喺許冠傑之前嗰啲嘅歌係點樣。我記得喺許冠傑之前，其中一首最流行嘅中文歌，係咁嘅『拎林文，長衫六，高腳七，一個大頭六，二三關，瓜老襯，輸到我木』就係一啲咁嘅歌，許冠傑係毫無先兆，忽然間發表咗一首《鐵塔凌雲》。《鐵塔凌雲》就好似愛因斯坦相對論一樣，冇人知道佢講乜，但有啲嘢，廣東歌，有啲嘢！」

其實影片在5年前《阿Sam & 阿Tam Happy Together 演唱會》中曾經播過，當時亦引起不少討論，如今大會舊片重出，未知是否為香港站造勢。