前亞姐林寶玉（Connie）今晚（27/2）現身尖沙咀出席「仁美清叙」2023春茗暨就職晚宴。一向樣靚身材正的Connie，是不少人心目中的女神，難免引來不少痴男埋身：「早排有一日我著住條短裙行行吓街，突然有個年約三十幾歲男人走埋嚟問我路，我答完佢之後，我就跟住行返屋企，行咗大幾二十分鐘我到咗屋苑大門口準備入去，嗰條友突然出手拉住我手臂，仲對住我講『你好靚』，嗰一吓我大叫咗出嚟，跟手揈開佢，即刻跑入屋苑，條友仲講話冇惡意，只係想講俾我知，佢對我嘅感覺。嗰個男人望落去係好正常，估唔到佢會咁做，真係俾佢嚇餐死。之後幾個月我每次返屋企都有心理壓力，唔知佢幾時會再出現。」