今日（12/5）陳展鵬和愛妻單文柔一同現身灣仔修頓場館出席《慧妍東保盃慈善乒乓球大賽2023》活動。身為前港青隊乒乓球成員的陳展鵬表示：「一陣間我要落場打表演賽，等我喺我老婆前面打兩板先，等佢知道咩叫做打乒乓波。因為平時同佢打乒乓波，我都係陪佢玩吓多，都係等佢可以郁吓做吓運動，不過今日咁難得有咁多人喺度，加上我又上陣打表演賽，等佢見識吓咩叫做真功夫啦。」

對於老公陳展鵬落場打波展英姿，單文柔就開口大讚勁有型：「其實佢都有俾佢而前打比賽嘅片我睇，話俾我知點樣打乒乓波，同埋身體個姿勢要點樣配合，其實係有好多嘢要學，真係唔係咁簡單。不過而家睇佢打波係吸引過以前後生，因為而家佢好成熟，散發出男人味，如果你問我會唔會睇到厭，而家仲未會，但遲啲就唔知啦。」