最近正值流感高峰期，各醫院診所都出現人滿之患病床一位難求。正陀住第二胎的孫慧雪早前患上感冒，為胎兒安全著想希望盡量不靠藥物，豈料愈見嚴重：「而家我一邊耳仔聽唔到嘢！」

為母則強懷孕期間更是每事小心，阿雪不幸感冒本想靠自身抵抗力痊癒，惜愈見嚴重：「因為懷孕只敢食普通必理痛，諗住捱下捱下就好返，但孕婦免疫力真係比一般人低，我足足病咗十幾日，從來未試過咁辛苦，第一個星期，每晚咳通宵咳到朝早六點無晒力先瞓到，以為自己中咗流感或者covid。」

最終阿雪去睇呼吸道專科才知延醫致病情惡化：「自己拖到變咗氣管炎+耳炎+鼻竇炎，結果要食一啲輕又唔影響bb嘅藥先有好轉！而家我一邊耳仔聽唔到嘢！睇咗2位耳鼻喉專科醫生，一位叫我等另一位就幫我洗鼻再開咗比較強嘅抗生素俾我。考慮完，我都係唔食住，而家等隻耳自己復原！希望快啲聽得返嘢！所以呢2個月我邊度都唔去！各位懷孕中嘅媽媽都小心呀！小小感冒都可以好大件事！」