邵氏與內地視頻平台優酷聯手拍網劇《飛虎極戰》今早於將軍澳邵氏影城舉行開鏡儀式，除了有一眾主要演員著住完整飛虎裝束出席之外，大會為隆重其事更安排了飛虎隊會出現的直升機，現場仲有直升機的螺旋槳轟鳴聲，不禁令人處身於直升機坪一樣，看來製作十分認真兼「大手筆」。要睇一套劇認唔認真，當然要睇其他資源，俗語話：「魔鬼盡在細節中。」

主角就到齊，但好似Backdrop就出事，因為睇真啲架直升機，原來大會只是將直升機的外型print出來再放大，走上前睇近更會「起格」，只能說像真度直逼3D打印機，唔講以為去咗3D視覺博物館，可算是開鏡儀式的gag位。而今次劇集的英文譯名叫《Flying Tigers》而唔係叫大家叫開SDU(Special Duties Unit)，睇返資料香港飛虎隊除了叫SDU都可以叫Flying Tigers，而今次邵氏與內地視頻平台優酷合作，唔知會唔會改名做「特警」之類呢？