無緣躋身《全民造星V》10強嘅Owen（賴天恩）今日（13日）出席活動，除有不少O2（fans）支持外，寶姐亦有到場。

Owen 接受訪問時表示目前會留在香港，希望可以有更多發展機會，而屋企人亦由美國來港探望。「中文有進步少少，但唔會話特別好。（識女朋友學快啲？）可能啦，但而家咁忙，自己進步唔到。」問到擇友條件，Owen表示無特別，只要令自己開心就可以。由於將要留港發展，Owen已打算轉讀遙距課程或在港就讀，而屋企人亦十分支持。

Owen 將在決賽當晚有演出，所以近日忙於排練，他希望之後可抽空直播與fans有更多互動。「我好期待決賽，佢哋好努力，但Lyman係我好朋友同室友，所以會支持佢。」

提到今日有寶姐「護航」是否已經與ViuTV簽約，Owen 表示：「仲未，ViuTV而家忙住決賽，睇下完咗之後有咩機會。我都好感恩佢哋仲咁支持我。」