曾在2004年參選港姐嘅梁麗瑩，落選後仍獲公司安排不少工作，當中包括演出劇集《學警出更》、《宮心計》、《大太監》、《仁心解碼II》及《神探高倫布》，較多人記得是於《神探高倫布》扮演破格殯儀化妝師角色，與蕭正楠發展一段情，當時被網友捧做「女神」，連續兩個星期成為熱搜，令其事業露曙光。

梁麗瑩之前曾撮合好友許芷熒同Alexander，但自己嘅感情事就十分低調。不過，原來39歲嘅佢近日已變為新手媽媽，日前她在IG晒B，並謂「話咁快陳皮妹已經六個半月大了！第一次同佢去旅行，因為實在太多大件BB嘢要拎，又BB車、沖涼盤、BB凳等等，所以都係揀咗一個坐車，唔使搭飛機嘅地方，就係「清遠」。

梁麗瑩曾是《TVB周刊》Cover Girl比賽季軍，於2004年參選港姐而簽約TVB，當年三甲冠軍徐子珊、亞軍朱慧敏及季軍符思思。2015年離巢後與媽媽在尖沙嘴開設美容院，以及與友人合資開設私房菜，生活富裕。而近年梁麗瑩更成了「姜糖」，去年更加入了MIRROR官方後援會。