古佩玲（Kelly)昨日（21/8）現身葵涌出席無綫熱播劇集《寵愛Pet Pet》傳宣過勢活動。提到日前網上瘋傳一條的士車Cam片，指《愛回家》同劇演員徐文浩與一名性感熱褲女於車廂纏綿，慘變成「安心2.0」。起初事情曝光後，有傳媒致電徐文浩求證，但他一一否認，可惜最終不敵壓力，親自承認當晚片中男主角是他，並稱「大家都飲大咗」。

Kelly接受《香港01》訪問時表示：「其實我唔知有呢單新聞。而家聽你講我係有啲驚訝，聽你講完我而家好想睇一睇單新聞係點。（你同佢合作過，覺得佢為人點？）我同佢喺《愛回家》都有合作過，佢畀我嘅感覺係一個好聰明又幽默嘅男仔，而且係好受女仔歡迎嗰種。（你知唔知的士車Cam有影乘客位？）我係知道嘅，因為佢哋部車都會貼出標示，提醒車內有錄影。（你飲唔飲酒？）我飲㗎，不過通常我飲完酒我都會瞓覺。（會唔會打電話關心佢？）一陣間我會問佢而家嘅感覺係點？哈哈！」訪問完畢後，Kelly打開手機翻查相關新聞報道後驚叫：「oh my god！」