傳TVB高層異動主席許濤急澄清 曾志偉視像列席：小事一則得啖笑
撰文：林迅景
出版：更新：
近日TVB傳出高層大變動，早前總經理曾志偉健康出現問題於台灣做手術，相隔數天再有傳媒報道出TVB兩大高層曾志偉與主席許濤將一同離職。及後，TVB於凌晨兩時許火速發放聲明否認，消息傳出後翌日TVB召開記者會，由主席許濤及總經理曾志偉回應事件。
記者會設於將軍澳電視城辦公室大樓的高層10/F舉行，主席許濤親身出席，曾志偉則以視像會議形式出席。
主席許濤親身出席，曾志偉則以視像會議形式出席。（陳順禎攝）
有傳媒問起曾志偉的健康狀況，他笑言：「一定有影響嘅，原本我返嚟安排咗跳水同跳降落傘嘅。放心啦，工作如常都冇太大影響，我會盡快返嚟同大家見面。」對於報道的感受，他說：「我呢個手術唔笑得，睇到個報道之後，我只有一個疑問，就係點解會咁呢？即係同梁朝偉個報道一樣，佢又出嚟澄清，我又出嚟澄清，都好無謂。作為一個藝人，乜嘢都有人講，但係牽涉到公司咁咪出嚟講兩句囉。對我嚟講，呢啲真係小事一則得啖笑，但係點解報紙會報道呢，呢係一個好大疑問。」
曾志偉表示小事一則得啖笑。（陳順禎攝）