《東方女神2023》選美會今日（12/9）於西貢白沙灣碼頭舉行宣傳造勢活動。來自四川22歲的候選佳麗楊曼受訪時表示：「其實點解我會嚟參加呢個選美比賽，或多或少都受我媽咪影響，加上自己本身都好鍾意認識新朋友，又想自己活得有意義同有價值，所以就嚟報名參加呢個選美比賽。（你覺得自己優勝嘅地方？）我諗可能係我一雙嘅單眼皮，雖然唔太符合大眾嘅審美眼光，但係自信係最好嘅。（有冇諗過參加香港小姐？）我知道參加香港小姐競選係需要有香港身份證，咁所以我諗我就冇呢個機會，不過如果有其他選美比賽我都去報名。」