MIRROR成員姜濤早前突然於IG限時動態公布「我有女朋友了」，更晒出一張恩愛照，即時引起網上熱議，更令姜糖震驚。姜濤今日（27/10）現身中環出席著名珠寶品牌活動時，就事件接受訪問：「其實呢件事係嗰日我拍緊個品牌嘅嘢，嗰日見到有位女Model，我真係真係好鍾意佢，當時我係有同佢講，叫佢做我女朋友，而嗰日佢係應承咗，咁佢梗係同我開過玩笑啦，咁之後我係特登隔一段時間出，我哋同啲同事講話，睇下係邊個Management會打嚟先？其中有個Management 就即刻打嚟喇，其實只係一個咁樣嘅誤會囉，做成困擾都真係唔好意思，自己真係貪玩咗少少。咁所以我到而家仲未有女朋友、放心放心。」