TVB的《玲玲友情報》昨晚（12月13日）主題為「生仔唔係咁樣生」，主持人堪輿學家麥玲玲師傅話來年龍年，會特別多小朋友出世，她解釋︰「真係多啲人想追龍年小朋友，啲人覺得龍較尊貴。有辣有唔辣，入學讀書較大競爭。」麥玲玲師傅話有三個生肖是較少人喜歡的，就是：羊、虎和蛇年。她說屬羊女性好多婚姻較差亦是事實。

人算不如天算

麥玲玲師傅講到好多客人都會擇時辰剖腹產子，她解釋當中難處︰「好多人擇日生仔，真實情況係得幾日可以揀。首先唔會揀半夜開刀，唔係實畀醫生鬧死。同埋記住運程好似一個餅，就係咁大，睇你想要乜嘢。以女仔為例，你要佢將來讀書叻，就可能嫁唔出；如果要嫁得好，可能佢第時年年考包尾，人算不如天算。」

射精受孕等於跑馬拉松

這一集節目請來婦產科醫生陳億仕擔任嘉賓，香港近年出生率低，有些女人感到壓力很大，陳醫生透露未能懷孕，以香港情況男女的健康都影響，當中他說香港男士精子活躍度較低，這個跟他們的跟飲食、生活習慣有關，「好多人想要（BB），但唔想做。」完因是工作太忙了，另外，食高脂、高膽固醇的垃圾食物，又整日坐著打機會影響健康，懷孕也會低。陳醫生說自然懷孕對男人的精子而言很需要充足活力，「精子從陰道游過子官，再游去輸卵管找卵子，整個過程等於跑了場馬拉松，如果活動能力不好，點跑到終點呀？」

定期清倉定時射精

盛傳禁慾有助懷孕、某些姿勢例如倒立可增加受孕機會，陳醫生說「唔好玩喇！」，禁慾的精子會不夠新鮮，他笑說︰「反而定期射精，保持質素仲好。早上行房精子較活躍，懷孕機會大。食生蠔真係有用，入面有微量元素。但重點是否每日食、食幾多至有效。」陳醫生說現時為懷孕看醫生的以女性為主，「很多以為自己能成功勃起，能射到一『pat』嘢出來，就覺得自己正常，但呢個唔係事實。」