由麥美欣和曾展望主持的無綫全新節目《Mayanne 小喇叭》今日（4/3）於電視城進行節目錄影，請來多位上圍出眾女嘉賓包括有、麥玲玲、郭佩文、黃婧靈（波波）、網紅葉俙賢及陳錦之亮相，大談上圍豐滿帶來的煩惱。

麥玲玲師傅接受《香港01》訪問時說：「其實喺香港買衫確實係有啲煩惱，因為有啲牌子唔係為我哋呢啲而設計，咁所以如果瘦返啲梗係着數啲啦，因為着衫同影相都會靚啲。（上圍豐滿有咩着數？）親和力會容易同人溝通啲，同打開話題，就好似以前郭文輝，佢會話師傅你唔好再扽吓扽吓，不過嗰啲都係笑話嚟啫，都係想個氣氛唔會咁拘謹變得輕鬆啲啫。不過講真我又唔覺得自己身材好，只係覺得自己肥，同埋本身自己唔高又頸短，咁所以我會習慣着低胸少少，變咗影相嘅時候都會影得靚啲咁。（有冇試高俾人抽水？）試過有啲人同佢唔熟，點解要同我擁抱，即係呢一種囉，喺職場上梗有啲叔叔伯伯會係咁，變咗自己會有個防衛心，唔係擁抱就擁抱囉。」