【學是學非】張秀文日本女Miss造型好破格：最緊要出黎感覺係好玩
撰文：溫菁莉
出版：更新：
《學是學非》 自從2013年開播而來都大受歡迎，開完一輯又一輯，更帶挈當中一班「是非精」主持人的人氣，最近第二代主持人張秀文（Sammi ）又在節目中亮相，昨晚新一集《學是學非》中，著住一套黑色西裝配黑絲的Sammi更化身「瘡老師」講住日文教書，仲同一班學生講，「如果俾我發現你地有作弊，太郎會替我瘋狂懲罰你地！」嘩，真係完全滿足網友嘅FF！Sammi接受《香港01》訪問時就表示，「最緊要出黎感覺係好玩，所以我地個個都好鍾意角色扮演。」
張秀文今次重返《學是學非》，化身「瘡腥些」同觀眾見面！
+17
除了有Sammi之外，仲有好可愛嘅狗仔太郎！
節目就講到一班「是非精」要考試，當中「靚湯」湯洛雯就在大腿上出貓，不幸被「瘡老師」發現後，隨即就將miss經常會係課堂上用嘅間尺撩起「靚湯」條裙，呢一段真係可以俾網友無限FF。今次Sammi化身「瘡腥些」佢都話好開心，「有得返黎客串《學是學非》好開心呀，其實我地以前拍攝一向都同導演有好多火花，是非精都會諗到咩好笑嘅就講出黎，所以今次拍瘡腥些絕對係我榮幸同埋太郎都係臨時加插落去同我一齊拍。」
Sammi話唔怕做潛力圖！
提到今次Sammi化身「瘡腥些」，問到她怕唔怕俾網友做潛力圖時，Sammi就笑言，「就算網民會整啲惡搞片或者潛力圖都唔會特別介意，因為大家一向都好錫是非精，好玩的無惡意的無任歡迎。啲對白有啲都係臨時爆肚，最緊要出黎感覺係好玩，所以我地個個都好鍾意角色扮演。」Sammi咁玩得，今次她再重返《學是學非》，我諗之後佢會有更多唔同嘅造型現身！