傳唐詩詠同新歡已拍拖一個月 洪永城：我同詩詠都係單身
撰文：郭敏玲
出版：更新：
洪永城今日出席宣傳新節目《退休地圖》的記者會，之後再詳細交代分手事件。（黃國立攝）
洪永城昨日於Instagram宣布與唐詩詠結束兩年半感情，今日他出席TVB節目《退休地圖》記者會，隨即成為焦點。失戀的他略帶強顏歡笑。
洪永城今日再度回應分手消息，他指與唐詩詠今年初關係開始出現問題，「我與Natalie和平分手，唔關IG上說的第三者同埋結婚的問題。我們都會好似一般情侶般傾有些什麼問題發生，發現性格同諗法都不太一致，所以我們有這個決定，都係好傷心，（有冇哭？）唔一定要喊晒先傷心，而家逐步逐步去復原，而我同Natalie仍是朋友。」
唐詩詠、洪永城昨日在各自的IG，宣布二人分手。
問到洪永城是否因為對婚姻的想法出現分歧，他再次否認，但問到有無結婚念頭，洪永城坦言：「現在的確是冇，分手其實同一般情侶大同小異。」至於今日傳出唐詩詠秘交洗米華愛將盧啟邦一個月，洪永城說：「我都係今日睇到新聞先知，據我所知，我同詩詠都係單身。（佢一直都好多人追？）唔係啩，拍緊拖都追？（咁佢有冇提過盧啟邦？）佢又冇同我講，所以我唔知詳情。」洪永城剛失戀心情低落，問到會否打算箍煲復合？他抿一抿嘴說：「唔知，真係唔知，將來的事冇人知。（準備好心情有下一個女朋友？）未有咁快，我同詩詠都係。」