陳柏宇英國影結婚相乘機shopping 大男人唔會幫老婆拎手袋
撰文：陳奕熙
出版：更新：
「2017華語金曲獎頒獎禮」今年將於8月9日假灣仔會展舉行，今日就率先在尖沙咀筆緊啟動禮，出席的歌手包括草蜢，太極，陳柏宇(Jason)，林奕匡(Phil)，黃浩琳，陳明熹等。
「2017華語金曲獎頒獎禮」舉行啟動禮。(陳奕熙攝)
草蜢到場支樂壇。(陳奕熙攝)
其中Jason早前和未婚妻符曉䉠到英國影婚紗相，他笑言除了影相的幾天，其實日子都主力Shopping，不過並不是每次Shopping都一齊：「唔一定一齊shopping先開心嘅，同我一齊shopping好悶，佢睇女仔嘢，我畀意見又唔係，唔畀意見又唔係。」
Jason笑言到英國影婚紗相的日子Shopping多。(陳奕熙攝)
Jason直言平日都好少和未婚妻Shopping，就算出街都好少會幫對方拎手袋：「我平時都唔幫佢拎嘢，自己買梗係自己拎架啦，除非買到成手都係，幫佢拎就冇問題，但我不嬲都唔會刻意攞手袋，你買個手袋都係攞嘅啫，冇理由要我攞㗎，我係小大男人，但我好就佢，啲尊嚴擺得低就擺低。」
Phil直言也想到外國影婚紗相。(陳奕熙攝)
他又講笑話未婚妻好「白痴」，連綁鞋帶都唔識：「我係條街踎喺到幫你綁我冇問題，佢唔識吖嘛我冇辦法啦，佢白痴㗎，我會話你依家唔識綁鞋帶，第日個小朋友唔使識㗎喇喎，佢話都係你綁囉，又啱喎。」
另外，Jason今日剛在上網放了新歌Teaser，內容只透露了今次是Jason和黃偉文首次合作：「有小小預告畀大家睇下，好秘密，公司叫我幫手post但唔好穿歌名，只可以講同黃偉文合作。」他又表示之後亦會有一首為結婚作的歌，自己亦想再寫一首：「但我個首十劃未有一撇，後補先寫啦，做啲行係咁。」
頒獎禮由前新城電台台長朱明銳執導。(陳奕熙攝)
同場的師弟Phil亦將會遲Jason一個月，在8月結婚，Phil表示未婚妻已經飛到加拿大籌備婚事，問到兩位準新郎哥可有交流下心得?Jason笑言未結好難分享：「依家唯一心得就係可以唔使話事咪唔好話事囉，對女士講嘅係，你話事唔緊要，但唔好樣樣都冇意見囉。」