【大埔車死狗】狗主尋不顧而去司機 網民：好心帶狗散步就拖狗帶
大埔有狗主指，日前放狗時，狗狗突然衝出馬路被車撞到，但司機並無停車，故狗主便在facebook「求車cam片」，希望尋回司機。不過這名狗主反被網民斥責，「好心你帶隻狗去馬路邊，一係就綁繩睇好啲，一係就抱住。隻狗仔真係畀你害死」。
網民David Tam昨日在facebook群組「Tai Po大埔」中發帖，題為「求車CAM片，狗狗被撞死，車主不顧而去」。David指，4月11日晚上約7時45分，其狗狗Sophie在廣福道與寶鄉街交界，等過馬路期間衝出馬路，最終被一輛灰色私家車撞死，而司機撞死狗狗後不顧而去。
David在帖文指，已就事件報警，並指「我哋明白狗狗出左馬路我地有好大責任，事後我地都好內疚，但希望任何情況下車主都唔好不顧而去」。不過帖文就引來大批網民斥責David，「知道車牌又可以做咩？」「其實你想車主停低做乜？」並指「自己好好檢討下啦，你自己害死隻狗仔咋」。
其他網民則關心為何狗狗會突然衝出馬路，形容「狗繩等於救命繩」，「明知道寵物無知，會衝出嚟，狗主就加條狗帶啦」，「狗仔死咗我都覺得好慘，但根本帶狗出街唔用狗繩係不負責任嘅主人」。亦有同為駕駛者的狗主指，「其實有隻狗標出馬路，對駕駛者嚟講都好危險」。
網民：過馬路一係拖繩一係抱起
有網民指，不少狗主以「隻狗平時好乖」來做理由，帶狗散步不帶狗繩，已是錯誤的做法，最低限度路經馬路時，應立即牽上狗繩或抱起狗隻，避免意外發生。
根據政府「1823」網頁指，所有狗隻在公眾地方需以狗帶牽引或以其他方式妥善控制；體重20公斤或以上的大型狗隻，須時刻被人用一條長度不超逾2米的狗帶穩妥地牽引；而格鬥狗隻，更必須時刻戴上口罩和用一條不超過1.5米長的狗帶穩妥地牽引。
車禍停車法例不涵蓋狗隻
至於司機在車死狗隻後並無停車，有網民稱「司機撞死狗係無法律責任停低」。翻查《道路交通條例》，司機需在有意外發生，並在有動物受損害的情況下停車。不過條例當中的動物（animal），僅指任何馬、牛、驢、騾、綿羊、豬或山羊，而狗卻不在此限。