各位寵物主人，你們會視寵物為你們親人、朋友、抑或只是附屬品？如果放狗期間突然有人要買下你的狗，你又如何回應？《毛孩子》特派員早前就到屯門、元朗及深水埗，向7個路上偶遇的狗主佯裝買下他們的狗，看看狗主們有何反應！

第一類：拒絕型主人

目標1：元朗比熊犬 Westley

元朗圖書館門外，是不少寵物主人放狗狗散步的地方。我們就遇上一隻很可愛的狗狗Westley，經過一輪傾談後，特派員Harriet就跟Westley的主人提出買狗，「好靚呀Westley啲毛……如果我買Westley得唔得呀？」

究竟主人會如何回應？

無價寶嚟㗎，唔賣㗎呢隻狗！賣咗層樓我都唔賣佢呀！

目標2：將軍澳狗狗毛毛

一對年老夫婦在將軍澳海傍放狗，當Harriet向伯伯提出買下狗狗時，伯伯驚呆：「買阿毛毛？」但驚呆過後，伯伯亦斷言拒絕。

我都係當毛毛自己家人咁樣，唔捨得！有感情㗎！好好好好深厚㖭！

第二類：動搖型主人

目標3： 元朗柴犬Chichi

柴犬是香港人喜愛的狗狗品種之一，柴犬可愛的臉孔，會否令主人不願賣走狗狗？Harriet看上的柴犬Chichi，其主人稱「係幫個女養住先」，一養就是半年，期間亦多次稱讚Chichi「好乖」，又不會搗亂，「如果唔放佢出街，啲人都唔知養咗隻狗」。

更多寵物文章：【寵物Gossip】怪獸家長如何養寵物的？5個怪獸行為你睇過嗎？

和Chichi玩了一會兒後，Harriet就向Chichi女主人提出買狗要求，怎料對方竟稱「留個電話囉！」而男主人更指，「我初時叫佢（女兒）送比人哋，佢都唔肯」。當Harriet向狗狗主人說明來意，我們正作街頭實測時，女主人就稱，並無因為有人詢問狗狗價錢而感到唐突，更指

我成日叫佢送比啲人㗎啦，佢結婚吖嘛， 我話佢有小朋友就唔可以養狗喇！

目標4： 將軍澳　阿King

動搖型主人又何止一個？我們在將軍澳遇上狗狗阿King與主人散步，當我們問主人「可唔可以買阿King呀？」主人先是一下驚呆，其後稱「我已經養咗佢幾年，我驚佢唔適應你喎！」當特派員Harriet指自己很喜愛阿King，相信自己有辦法令阿King適應後，阿King主人則有所動搖。

咁你畀個電話（號碼）我，我同個女商量下先啦！

第三類：迴避問題型主人

目標5： 屯門 柴犬烏冬

屯門海皇路狗公園，有個姨姨拖著叫烏冬的柴犬在閘外等待進入，就成為我們的目標！

趁著狗主和狗公園的清潔大叔傾談之時，與烏冬玩了一會的特派員Harriet，就決定發問，「如果我話賣烏冬比我你O唔OK呀？」對於突如其來有人詢問買狗，烏冬的主人一陣傻笑，決定轉叫大叔拆招，大叔頓了一頓後指，

無嘢㗎，你做契媽咪得囉！你認佢做契姐好契仔又好，你畀個電話大家聯絡！

一招四兩撥千斤，化解危機。當Harriet再次追問能否買狗時，大叔續說：「養開佢捨得賣畀你咩？梗係唔捨得啦！個個都有感情點捨得吖！即係唔通你將啲仔女賣比人咩，你都唔捨得啦！」

第四類：義正辭嚴類主人

面對買狗的要求，有人笑笑口婉拒、有人稱可以考慮，亦有人斷言拒絕，並斥責願意賣狗的主人。

目標6及7： 將軍澳　大狗波波及史納莎Chopper

當特派員Harriet接近二人時，二人均斷言拒絕賣出狗隻。Chopper主人Hamid直言，狗狗無價，「價錢亦唔可以用嚟取決任何嘢」。當Hamid得知這是街頭實測後，亦明言因狗狗如自己親生女一樣，

睇你人嘅價值觀，究竟錢係最重要吖，定係你自己身邊嘅親人重要？

更多寵物文章：港女帶狗移民台灣 嘆原來養狗可以光明正大 「牠們每天都在笑」

而波波的主人嚴先生亦指，「我覺得賣狗啲人好奇怪囉，如果你係為咗賺錢，咁你一開始就唔好養佢」。

至於他們有甚麼說話要跟賣狗的狗主說？Hamid指「有來有往啦，係囉，他朝君體也相同」。

Bookmark狗主必讀專頁，按此即學做個專業狗主