黑白樂團 - 可以笑的話不會哭：retrowave王傑 J-pop分手歌
撰文：熊文浩
出版：更新：
成立於2014年的黑白樂團，一班熱血大叔發布了一條仿80年代的情歌mv，更有香港特攝精英團隊G.V.A. Creative的梁仲文導演主理，更令人好奇的是神秘的女結他手！
主音似華D多啲定王傑？我覺得係東尼大木！
可以介紹一下黑白樂團？你們夾了很多年？怎樣形容你們的風格？
黑白：MonoChrome (黑白樂團) 成立於 2014 年年底，音樂風格上我們沒有刻意去標籤屬於那一個類型。反而, 我們在創作上盡量想在每首歌裡面作新嘗試, 希望每首 MonoChrome 歌都有自己不一樣的生命，所以在歌詞及編曲上我們花比最多時間來創作。
<可以笑的話不會哭>的創作概念？
黑白：話說主音Frankie剛好去了日本旅行。夜晚唔瞓不停煲當地電視音樂節目，發現J-pop 裡某一啲共同元素其實好吸引, 亦覺得J-pop風格我哋之前未試過，所以回來就開始朝住呢個方向夾夾和撞撞。
曲寫好了，當寫歌詞時，由於之前幾首歌嘅歌詞都比較認真 如〈黑白〉 、〈Bad Hero〉、〈普羅米修斯〉、 〈雞蛋與高牆〉〈180 Move it on〉 等等，所以呢首歌想輕鬆啲，想貼地啲(所以極度口語化)。歌詞其中一個好玩嘅地方就係全首歌都唔會有任何重覆，以講故仔形式講及其實香港好多男仔，心裡面都有一個 「偽浪子」活在其心裡面。
當中可以介紹一下客串的Rachel.Lam？她彈結他好像很厲害！
Rachel.Lam 是一個在 instagram 裡面有很多日本follwer 嘅音樂人。由於呢一首歌講主要係圍繞住「茅盾」，所以就想 feature 一支新既結他solo ，以亂入到式突襲於歌尾部份， 同我哋結他手Philip 有決鬥嘅感覺，今次我哋好開心可以同Rachle 合作。
Rachel 有推出自己的結他演奏作品。之前在Vimeo發布了一段〈Boogie Girl〉mv，但在截稿當日已經下架。
MV找來G.V.A的梁仲文合作，你們怎樣認識？
仲文導演之前在錄音時(由怒人監製)經朋友介紹下識。除了呢個mv，另一個〈雞蛋與高牆〉亦是仲文導演主理。我們非常欣賞及喜愛仲文導演在畫面上的處理，跟音樂同步時又不失原創元素。今次同仲文導演同佢團隊合作十份之順利，非常高興！
梁仲文的創作充滿sci-fi、特攝、電玩元素。