Luna is a Bep - 開口夢 ：發夢會講「我真係真心鍾意會計妹」
撰文：熊文浩
出版：更新：
Luna話成日發惡夢同開口夢.....例如發夢朋友死咗、喺大陸俾愛滋病人惡意拮針筒搶電話、發開口夢講「我真係真心鍾意會計妹，唔係因為人地鍾意我先鍾意」，但以上的東西無一樣出現在新作中，〈開口夢〉絕對是個粉色系甜夢。
《開口夢》創作概念?
Luna：《開口夢》呢隻歌嘅靈感嚟自我經常發開口夢／發惡夢寫嘅。歌詞裡面嘅片段都係有點零碎的，希望真係帶聽嘅人進入一個發夢嘅世界咁。
音樂風格有變? 用咗好多auto tune?
今次同beat maker YOUNGold @ I Sick Leave Tomorrow ，夾咗一個比較似係chillhop，一個dreamy啲嘅vibe。Auto tune嚟講今次隻歌應該唔算用得好多？（我覺得咋哈哈）
可以介紹下動畫製作的朋友?
今次幫我畫MV motion graphic 嘅係greybaak3，其實我地係網友嚟，因為我之前幾隻歌先互相follow咗instagram。我見佢做嘅動畫都好靚好得意，覺得同今次隻歌應該會幾襯，所以膽粗粗撩人傾計，終於就同咗佢合作做咗今次個MV出嚟～希望之後都有機會胡亂結交網友，同唔同嘅人合作～
你開始搵到自己的色tone？粉色系？
我諗係最近嘅喜好，啲衫都係啲粉粉地顏色LOL，然後又覺得粉粉地好有夢幻嘅感覺，所以就試下～可能有一日突然變咗黑色都話唔定，無咩規矩嘅
Luna幻想中的海，係咪叫 Luna Sea？