【Show 後煙】#BMGGY hip hop Party觀眾：我榮幸生於呢個年代
撰文：熊文浩
出版：更新：
扭耳仔除了聽一眾音樂人去論盡樂壇之外，都好想聽到樂迷的心聲！現帶來【Show 後煙】這環節讓大家在聽完 Show 後將感受與我們慢慢分享！今次來到年度最大型的香港hip hop Party #BMGGY。(攝影： Moment Hung )
BMGGY party，由火炭麗琪與少爺GANG領軍聯合各個hip hop自己友一齊開show，音樂會尾段更殺出曾發生風波的米奇老味和Bakerie上台撐場，令觀眾非常震驚，本地hip hop大團圓的難忘晚上，完show後在吸煙位遇到他們：
先重溫BMGGY Party 全場完整圖集：
Summer 有幫手在門外收飛
Summer：「好正呀！Chocola (QQBBG) 好靚女！(點睇米奇老味和Bakerie現身？)尷囉！」
Plus (中) 看完 BMGGY ，覺得榮幸生於呢個年代
Plus：「今晚好L高，好L lit！如果今晚再長啲就好！看到已經登天，樂極忘返。(見到他們齊人上台有乜感受？) 好L榮幸生於呢個年代，可以聽到佢哋，好感動！」
阿杰 本身是麗琪朋友，所以來看BMGGY。
阿杰：「開心架！識咗麗琪之後所以嚟睇！(完show有乜感覺？)攰，人大咗就攰！我明佢哋做緊乜，我識咗佢之後，更加明佢哋做緊乜。(做緊乜？) 唱緊佢哋generation嘅感覺出來。」
Eric 又名Crystal Bug，也是毒撚音樂節的主理人。
Eric：「香港indie界應該要咁囉！(點樣？)就係成檯人上台玩，唔知做乜野，但係開心嘅！歡樂今宵呀嗎！」
Chole 是陪朋友來看
Chole：「幾正！唔係好熟佢哋，都睇過下囉！今晚同朋友一齊嚟！(見到米奇老味和Bakerie上台有乜感受？)無感受。(今晚最深刻？)火炭麗琪唱嗰首！」
Brian 一個人來看BMGGY，隨身帶備即影即有相機，因為不想執相。
Brian ：「有咩要講？(腦過閃過乜畫面？)柒羊好高囉！閃過好多小丑！(點解今日嚟？)嚟睇柒羊、奶其同自己友，由〈專一的fuck boy〉〈真愛〉開始聽柒羊，輕鬆、飄飄地、有啲苦，因為柒羊無乜frestyle。」