【日本酒店】新潟臨港酒店 新潟美景一望無遺!

撰文:卜卜遊
出版:更新:

日本新潟越光米就聽得多,但去過新潟嘅人就真係唔多啦。皆因一直都沒有直航機飛新潟,而且從東京或者大阪前往新潟的交通都不太方便。不過國泰港龍10月起新開直飛新潟航線。咁酒店又揀邊間好?

新潟日航酒店(HOTEL NIKKO NIIGATA)是新潟縣日本海側數一數二的高層酒店,係新潟縣內眺望信濃川的地標建築。酒店最大賣點係31樓頂層的觀景室,可以360°無死角將信濃川及新潟市城景盡收眼底。最佳觀賞時間係黃昏日落的時候。酒店旁邊就係新潟港,方便搭船過佐渡島遊玩。

酒店在綜合商業大廈朱鷺MESSE內,下層為美術館、會展中心、餐廳等。酒店客房從22層起,全部客房都係高樓層。

客房分為標準、豪華及套房,滿足到大部分旅客嘅需要。客房相對寬闊,比東京、大阪等一線城市酒店的客房都大一點點,入住感覺更舒適。每間房都有大窗,可以放到信濃川的不同景觀。套房的浴室有窗對住信濃川,一邊浸浴一邊欣賞夜景消除一天的疲勞。房間乾淨整齊,個人護理清潔用品齊全。

按下圖看更多酒店房間的圖片

因為近新潟港所以離新潟站有小小距離。不過酒店設有免費穿梭巴士服務接送住客來往新潟站,大概10分鐘車程。

HOTEL NIKKO NIIGATA
地址: 5-1 Bandaijima Chuo-ku Niigata-shi Niigata 950-0078 Japan
前往方法:新潟機場乘的士約20分鐘到達 或 新潟機場乘巴士約25分鐘到達新潟站後轉乘酒店免費穿梭巴士約10分鐘(穿梭巴士時間表: https://www.hotelnikkoniigata.jp/access/pdf/19-base-a.pdf)
電話: 81-25-240-1888
收費: $650起

立即預訂酒店

立即登入或登記卜卜遊領取$100 機票優惠券​