立法會主席曾鈺成即將告別議會，與一班議員晚宴餞別，各路議員如長毛梁國雄與黃毓民都有出席，除了「吹水」聯誼，晚宴高潮是曾鈺成改編經典歌《忘盡心中情》，歌詞包括「AV仁」、「元秋搵嘢講，用肺就容易」、「AV仁（目及）女會用手機」、「Tree根開邊瓣只有天知」，歌詞故然「啜核」，還有工程界盧偉國專業級色士風伴奏，聽得議員笑聲不絕。

曾鈺成其後再唱一曲，還有太太施熟練舞技，同樣睇得議員拍爛手掌。據了解今次晚宴，議員們送花、蛋糕、還有紀念冊，有人留言「更上一層樓」，聲言無其他意思。Ann姐蔣麗芸就留言「心似白雲常自在，意如流水任西東，唔好變成周伯通」。下周一就輪到立會秘書處職員設宴送別曾主席。

《忘盡心中情 ── 曾鈺成版》

忘盡心中情　遺下愛與癡會議廳苦中自娛 立法會好多奇事服左‪AV仁‬ （目及）女會用手機‪象哥‬ 猛扯鼻鼾 食太多話梅陳皮‪長毛‬ 亂咁噏撳佢又撳唔住‪毓民‬ 鬧人唔使擇日子‪‎拉布‬ 唔怕臭又長一剪話咁易‪嫻姐‬ ‪‎張宇人‬ ‪‎大輝‬ 仲有‪‎怪醫‬鬧政府似足泛民‬ 問‎契仔‬稟西環未‪‎元秋‬搵嘢講 用肺就容易‪Tree根‬ 開邊瓣只有天知‪星哥‬ 扮晒領導人乜都想話晒事發左好多夢　留下笑與悲‪立法會‬此番別離　莫再講那非和是難捨長年同事