堅持重型風格做自己 樂隊DeepInside:要做商業就唔夾Band啦

撰文:黃浩晉
出版:更新:

本地重型樂隊DeepInsideis成軍六年,經歷幾次成員變動,沉寂兩年後直到新主音Karl加入,推出新歌 《Awakening》,並於6月23日舉行同名音樂會,用行動向樂迷宣佈重新出發。
攝影:黃國立

大家聽新歌《Awakening》 Band房Live熱個身先啦!
以下場口就係「There is no spoon」的由來,話唔定幫到大家更明白《Awakening》

DeepInside覺醒? 
DeepInside新歌《Awakening》照字面解是「覺醒」,而歌詞第一句「There is no spoon in your hand」是引用電影《The Matrix》的經典場口,到底這首「復出」頭炮主打到底隱含甚麼意思?主音Karl解釋:「雖然呢個場口睇落好玄好難明,但係好值得大家去深思,同時我都想滲透呢個概念喺歌曲入面。生活有時會有無力感,雖然冇得改變現實,但唔好停止質疑外界,對周遭事物發問嘅心態。」

後排左起:Bass手Jason、結他手Ting、 前排左起:主音Karl、鼓手Howie、結他手Kit

新主音加入令DeepInside更似一隊Band
上文提到DeepInside經歷過主音更替,那Karl會否擔心樂迷將他與前主音比較,其他成員對現時陣容有何感覺?結他手Kit說:「依家個更加似一隊Band,因為以前可能幾個月先夾到一次Band,但依家好唔同。」Karl表示:「其實比較就預咗,但唔會諗太多。反而此更多時pick up音樂方面嘅事情,同埋吸收更多錄音經驗。

鼓手Howie表示Karl的加入感覺更同聲同氣,夾廣東話歌「醒神啲」。(黃國立攝)

DeepInside終於有廣東話歌
心水清的樂迷都清楚,以往DeepInside只得英文或普通話歌詞,Karl的加入令大家終於有機會聽到廣東話歌詞。他亦表示用母語填詞更揮揮灑自如:「感覺隨心所欲好,更加容易同樂迷溝通。以前我寫英文詞,無論幾用心,或者幾求其都冇咩feed back,所以一定要廣東話先可以狠狠地擊中聽眾。」鼓手Howie說:「我哋自己夾band聽到廣東話都會爽啲,雖然英文都可以跟住唱,但始終於母語到肉好多!」

結他手Kit可謂樂隊的創作大腦,大部份作品都是由他製作Demo,繼而讓其他成員在這根基上發揮。(黃國立攝)

要做商業嘢就唔夾Band啦!
相信大家都聽過身邊人說「我年紀大,唔再聽恆嘢㗎喇」,DeepInside亦眼見每次演出熟悉的面孔逐漸減少。既然樂迷口味會改變,又有何原因令他們一直堅持重型曲風?Bass手Jason說:「就係因為鍾意,我哋又唔係要『撈嘢』,又唔係要做商業;如果係要商業就晨早熄咗個『拆聲』,或者甚至唔夾Band啦!」

新主音Karl表示用廣東話填詞方可以擊中聽眾的心。(黃國立攝)
《Awakening》MV邀請到Jeana何佩瑜擔任女主角
Bass手Jason表示玩音樂不是為商業,所以堅持自己喜歡的風格。(黃國立攝)

DeepInside重新出發將為樂迷送上各種驚喜,邀請到Jeana何佩瑜擔任《Awakening》MV女主角,而且MV將會有後續故事。除此以外,DeepInside透將會有慢歌面世,而且有別於以往較Minor、較陰暗的感覺;反而讓大家有一種找到曙光的感覺,結他手Kit更形容「就咁聽一啲都唔似DeepInside」。想知DeepInside會「進化」成點,大家記得留意下星期的《Awakening》Live喇!

結他手Ting雖然比較沉默,但在鏡頭後是冷面笑匠。(黃國立攝)