十年一刻，本地樂隊Supper Moment 今晚繼續發起「溫柔革命」，其十週年演唱會來到了尾場，現場樂迷熱情不減，未開場已企定定等偶像出場。Supper Moment以一曲《飛》就已掀起全場高潮，這場革命溫柔得來也帶幾分激盪。

唱唱下經典歌《是你令我再次找到心跳》，主音Sunny表示昨晚完成頭場後，因為有件事無做到而後悔，他跟歌迷說：「我想你哋幫手完成一件事，就係好好攬住你身邊嘅朋友、老公老婆，自己一個就搭住自己，因為喺呢度，大家就係一家人。」說畢，全場fans即時互相搭膊，場面溫馨。

唱到《煩擾中起舞》，Sunny更走到台下與歌迷握手，全場再度起哄。他就話：「不論280蚊、180蚊，得嘅話走落黎。」之後走勻全場繼續握手，更揚言：「今晚大家都係keep住咁攰。」