無綫（TVB）選秀節目《聲夢傳奇》參賽者之一炎明熹（Gigi），周五（19/3）現身電視城出席記招，首次以新造型與傳媒見面。問到備戰心得，Gigi除了積極練歌練舞外，亦堅持跑步練體能：「未參加比賽之前已經有做呢啲運動，因為做運動可以提升肺活量，令自己精神啲。」

縱使參加《聲夢傳奇》前已經贏過不少歌唱比賽冠軍，Gigi仍感到非常緊張，會上一直手心冒汗，談起大合照後與曾志偉短暫交談，她笑指：「佢同我握手，然後話我隻手好凍，之後叫我哋要加油。」她在台慶及《第一次召集》中都有獨唱部份，唱功令觀眾印象深刻，因此賽前已被視為大熱門。Gigi謙虛地指：「如果大家視我為藝人，我就要更加努力，追隨佢哋嘅腳步，唔可以再當自己係細路女。」她又希望日後在讀書同時，亦同時兼顧唱歌方面發展，被問到會否與星夢簽約，她直言：「要睇之後發展順唔順利，如果之後大家都想我簽，應該都會應承。」