黃明德（Dark）昨日（8日）推出全新單曲《實現情緒自由》，這次Dark不單止唱，更首次親自作曲填詞，實行連創作都話事權在手！

Dark的新歌講到明要《實現情緒自由》，他指平時周圍太多聲音，人人都要迎合世界，反而忘記自己本來初心。歌曲文案更十分直白：「寧可惹禍碰釘都不想一輩子活在別人的陰霾之中」，看來這次Dark「有嘢想講」！新歌跟上一首《大鬧說謊城》不同，這次曲風完全轉mode，又找來首次合作的Adrian Chan一齊編曲，再由Adrian負責監製。Dark指合作過程十分順利，「因為得到Adrian嘅協助同信任，先成就到我入行以嚟第一首曲詞編都有份參與嘅作品。」

詞寫出年輕人的棱角，跟入世後的掙扎。前面部分依然是「倔倔地」，尾段則慢慢釋放情緒，更說出「逃出生天悲咒，重新開始發現尚有」。Dark謂：「積極樂觀嘅故事聽得太多啦，今次就聽從內心嘅小孩啦，想聽返內心把聲。」意思就是，就算要孤身抽泣、鬱結崩潰，都是自己的選擇。