張學友第324場《60+巡迴演唱會》於昨晚（24日）完滿結束，在完騷記者會上笑指自己「失業」，但表示好快投入工作，正構思音樂劇，不過暫時未有劇本，至少要籌備兩年才有機會出現。

而巡迴演唱會舉行時間長，網上亦有不同聲音，有些網友質疑張學友頻頻開騷是因為欠債，所以要開騷還錢，張學友再被問到此事亦有再回應，他說：「首先我都講過，我好慳嘅，咁我亦有儲錢習慣，解釋多反而佢哋覺得我掩飾啦，但我的而且確係冇，亦冇借錢嘅習慣，就算財仔都冇，電話都唔識，我唔出嚟就冇事㗎喇，出嚟就會有人咁講，咁我亦阻止唔到，網絡而家太多，太快、太無法控制喇。」

另外因為在馬來西亞演出時出現耳水不平衡暈了一下，令外界十分擔心，之後更有網友在小紅書分享，指張學友手掌很黃，似乎健康出現問題，學友亦有回應此事，他說：「因為我拜神，我要攞住啲香，嗰的香好大枝，拜完之後隻手就好黃㗎喇，歌迷可能太關心我喇。」