洪嘉豪頒獎禮打定輸數：其實到咗12月都大概知道有無獎
撰文：鄺鈺瑩
出版：更新：
洪嘉豪表示好少約MC食飯，因為平時工作都經常見面。(梁碧玲攝)
洪嘉豪與MC張天賦昨晚（9日）再次合體出席活動，二人現身時，場內粉絲頻頻大叫「好靚仔」。問到聖誕檔期二人會否再合體搵真銀，Kaho表示暫時只有一個校園騷會與MC同台，而MC則謂：「其實我哋平時私下好少見大家，多數都係工事。」Kaho亦強調甚少會約MC食飯，原因係平時都見到夠。
洪嘉豪、MC 張天賦今年一齊舉辦過演唱會，不少樂迷認為是今年其中一個令人有驚喜的演出。(梁碧玲攝)
Kaho 自與MC開騷後，關注度大增，問到可有信心在樂壇頒獎禮上有收穫，他說：「無！其實到咗12月都大概知道有無獎啦，咁我可能要等多一年，我出年會更努力，希望希機會上到台。」MC在旁聞言後，表示應該輸人不輸陣，更提議Kaho要說「有希望」，唯Kaho笑指自己打滾好幾年，已大概了解頒獎禮的玩法。
對於MC疑似被商台打壓一事，Kaho先是扮作不知情，其後又表示唔方便多作評論，問到他除了MC外，睇好邊位新人，他說：「我唔知係未睇開咗，所以少留意新聞，但今年有幾首歌好喜歡，包括《謎之微笑》、《逆時車站》、《主角光環》，雖然呢三首歌未必會得到獎，但都希望大家支持下，嗰個洪嘉豪幾好 ，仲有《記憶棉》、《Good Time》都係好歌。」