鄧紫棋（G.E.M.）新一輪的世界巡迴演唱會《Queen of Hearts 2017 World Tour》於愚人節正式於廣州國際體育演藝中心開鑼，今次G.E.M.在演唱會上化身成為「紅心女王」，甫開場以一身鮮紅色長裙及斗篷霸氣登場，旁邊更有八名打扮成侍衛的舞蹈員。G.E.M.接着一口氣唱出《A.I.N.Y.愛你》及《WHAT HAVE U DONE》，盡顯招牌巨肺唱功，更高呼：「歡迎你哋嚟到Queen of Hearts嘅城堡！」（王后加上城堡，場景不禁令人聯想起《愛麗絲夢遊仙境》的紅心王后？）

化身「紅娘」chur佣金

其實G.E.M.今次是飾演不是童話中的奸角，而是分享愛的王后，演唱會期間她更變身「紅娘」，鼓勵歌迷當場向身邊人表白及錫錫示愛，其中一個中「愛神之箭」的就是舉家出席撐囡囡的鄧氏一家，G.E.M.指名要台下的鄧妹妹親吻公公作示範，最後有歌迷受氣氛影響鼓起勇氣表白，又在萬人見證下「愛的濕吻」，G.E.M.笑言：「第時你哋結婚要話我聽呀，畀返佣金我，媒人係我副業。」

紅心女王分享愛之餘，亦會有想守護的東西，G.E.M.在演唱會亦輕輕的講到自己成長後的愛情觀，更自爆受情傷所困後的得着：「每個人愛嘅時候都好想去付出，有時人生遇到唔同嘅人，你就會將自己心嘅一部分畀咗嗰個人，但有時付出咗唔一定得到回報。我曾經有一排覺得好想保護自己，唔想再付出。大個先發現，最可惜嘅唔係付出完會受傷，而係當想去付出嘅時候，已經錯過咗機會。」

剖白自我感觸落淚

來到廣州舉行首場演唱會，雖然地理位置還是神州之內，G.E.M.相當識做，全場有8成時間都是講廣東話。到自白的環節G.E.M.站在三米高台舉起Mic Stand全場大合唱，更分享到自小抱有很多夢想，希望做偉大的事情，讓世界變得更美好：「但我呢幾年發現，要做偉大嘅事唔係在乎你做咗啲咩，而係做緊每一件事都帶着愛。原來呢個世界最需要嘅係愛，我G.E.M.存在嘅意義係Get Everybody Moving to Love！」接着唱出《存在》時G.E.M.更一度落淚。

到演唱會尾聲，G.E.M.不忘多謝一直在身邊的戰友Tan（經理人）和Lupo（音樂總監），更自言並非每天都是皇后：「唔係每日都咁叻，好多時候我都好有無力感，我唯一可以對你哋講嘅只有一句說話，就係多謝。」最後，G.E.M.以一首《睡公主》為首場巡唱劃上完美句號，由皇后變回公主，每一次的結束都是另一次重生的開始。