組合Shine由2002年起出道，轉眼間過了15年，徐天佑都已經成家立室，但香港人就係有情意結，因此幾經辛苦集氣，終於送Shine入紅館，距離夢想成真只欠實際日期，今日終於揭曉喇！Shine在社交網站發佈最新消息，仲製作一條非常有趣的Whatsapp群組對話影片，告訴大家，距離300日就到大日子。

影片開首又南在群組問大家300日可以做什麼，接著你一言我一句，天佑回覆可以做首好歌，又南又回應可以拍套好戲，仲話可以生好多個BB添，接著「Manager」出現，吩咐他們完成手上的工作，天佑才道出「300日」是一個「約定」，公布還有300日就是Shine在紅館開騷的大日子，即是2018年的3月2日。

雖然二人經常分開工作，不過15周年時，仍然有走在一起慶祝一番！

由於Shine目前不在香港，《香港01》就演唱會一事聯絡過Shine的經理人公司，原來他們並非以「擠牙膏」方式發放消息，只是一有最新消息就公佈，至於為何會用如此幽默的方式告訴樂迷，他們指：「其實Shine一向鍾意用不同方式做有趣事，大家用心機去數，實數到300天後是幾多號，只是想用不同手法Present新事物。」

成軍10年開過2場跨年騷，到底成軍15年會開幾多場呢？他們回覆指：「暫時主辦單位只講了這一天，正式有幾多場要等主辦單位公佈。」又指由於仲有300天才到演唱會，因此很多細節都未Firm，不過Solo部分一定有，而Shine仲有計劃出新歌，「天佑忙緊Solo專輯，又南忙緊拍戲，忙完呢期就會做新歌」。

不少人對Shine的活潑好動印象深刻，他們開騷除了有經典作品可以重溫外，其實都相當創新。例如2012年的跨年演唱會，更以過百萬引進過「新玩具」Xyloband手帶送給觀眾，令觀眾成為現場表演的一部分，可以隨著音樂節奏閃動，顏色仲可以個個不同，畫面震撼。觀眾玩完手帶仲可以帶回家收藏。由於當時未有亞洲歌手試過這項科技，未知能否用於紅館上，故此Shine一直大賣關子，秘密測試手帶，最終開騷成功使用，令Shine成為繼Coldplay之後，而引用此手帶的亞洲第一人。後來其他歌手，例如G.E.M.鄧紫棋等等，才陸續採用這科技開騷。

究竟Xyloband係咩？原理好簡單，就是手帶具備變色效果，會根據大會的控制，令手帶發出不同顏色的燈光，2012年的Shine演唱會開三面台，故能夠做到中央的觀眾亮紅色燈﹑右面現藍色燈光的特別環境效果。2012年玩完創新科技，2017年開騷到底會有咩好玩元素呢？「我們會構思有咩新意，一定會好好玩！」