昨日凌晨時份，兩名口罩賊突然闖入將軍澳毓雅里的7-11便利店，向一名女職員聲稱要打劫。涉事女職員卻相當淡定，直呼一句：「唔好玩啦！」賊人見被職員漠視，疑老羞成怒取出一枝鐵筆，打爛櫃枱一部打單機後逃去。警方到場調查，暫未有人被捕。

《香港01》記者今日凌晨重返該7-11便利店，打算採訪「淡定姐」。然而當記者甫進入便利店，即發現店內氣氛相當輕鬆，職員有講有笑。記者還未及表露身份道明來意，職員們就已笑口相對，以為記者是「淡定姐」的相熟街坊，特意走來慰問，立即叫「女主角」從貨倉走出來舖面，並說：「有人來探你呀！」

「淡定姐」姓卓，年約40餘歲，在上址便利店當通宵職員約3至4年，家住將軍澳區，為人相當樂觀，經常面帶笑容。對於事發當時為何會吐出一句「唔好玩啦」嚇退賊人，她笑言：「唔知呀，自然反應啫！呢度山高皇帝遠，邊有錢啫，係都去第二度打啦！」

回顧昨日的劫案，她直言不怕，返慣了通宵，為了搵食無辦法：「食得呢行飯就預咗！如果再見番嗰兩個賊，我都唔驚，因為佢係賊，佢做壞事點都怯過我！」老闆事後跟她說：「小心啲，人身安全最緊要！」

其同事指，昨日報道出街後，有不少街坊熟客到來關心卓女士：「連唔係通宵班客都得登來慰問呀！」隨後記者表明來意，「女主角」和職員始婉拒正式採訪：「公司唔畀呀……」記者惟有向幾位笑口棗道別。