【極危險】改路改到七彩　大窩西支路等車隨時要迫出馬路

吐露港公路及粉嶺公路的擴闊工程正進行得如火如荼，連接大埔區和北區的大窩西支路的相關路段也作出了不少臨時改道安排，以配合工程的進行。不過近日有街坊指，改道安排令車站位置不停更改，更令候車位置縮短，使早上排隊候車上班、上學的街坊「企到出馬路」，十分危險。

早上7、8時是「打工仔」、「學生哥」準備上班、上學的繁忙時間，大窩西支路近灰沙圍路、泰亨往大埔方向附近一個車站，亦堆滿了候車市民。街坊Candy向《香港01》表示，候車的人甚至「企到出馬路」。Ｃandy指，該處的巴士站、小巴站受改道安排影響：「不停改路，3年來取消咗好多個巴士站，又有好多改咗位。」而最近一次的改動令不少車站都集中在該位置，加上車站長度變短，令街坊「唔夠位企」，甚至出現「企出馬路」的情況。部分人覺得站在馬路範圍危險，便到對面行人路候車。

「改之前可以有40人企喺度等巴士、小巴同校巴，有時巴士遲咗到，啲人都要企到出馬路。而家就淨係企到30人，剩底嗰10個就要企去對面行人路。」Candy指當中包括等候校巴的學生，當他們見到等候的車到達時，便會跑過馬路上車，但她擔心此情況持續的話，會釀成危險：「如果校巴停車畀學生上落，後面啲車又唔衝就還好，但有時小朋友判斷力唔高，見到校巴嚟，就已經衝咗出去。」而且有時行人過路期間，有車會「cut線」駛走，出現人車爭路的情況。

大埔區區議員陳灶良指，因往九龍、香港上班、上學的居民較多，故此問題在往大埔方向的路段尤其嚴重：「呢個路面係臨時，而且又窄，撞啱我哋7點零鐘呢段返工、返學時間，(居民)一湧湧晒出嚟，都會有呢個情況出現，所以畀市民大眾影到呢張相。」

由於要配合工程，現時的車站皆為臨時站，並時要改動，故陳灶良估計，處理相關臨時車站的工人或未有周詳考慮，不過當居民反映問題時，有關當局行動亦迅速：「但佢呢個臨時巴士站確實要有個關注，有個比較寬鬆啲、闊落啲嘅地方畀我哋企。」

路政署回覆《香港01》查詢時指，該臨時巴士站於6月14日設置，駐工地工程人員同日發現繁忙時段出現擠迫的問題，翌日已進行優化措施，將車站等候區的闊度增加至2.5至5米。採訪當日，有負責工程的顧問亦表示，署方和工程承建商都會密切巡查，以改善臨時過路處及車站的位置。

至於有居民指，無從得知車站位置更改的消息，陳灶良指村公所、村代表、區議會及網上都會有相關消息，但承認現時方法「可能未係咁廣泛畀市民知道」。