【成功爭取】40年香港仔街市將翻新　預計2022完工

香港仔街市啟用至今40年，內部不少設施都已老化，區內對於街市內裝設冷氣的聲音亦日漸強大。爭取多時，食環署終「出招」，不只裝冷氣，更為街市來個大翻新！署方在今天的南區區議會特別會議上，公佈展開香港仔街市「現代化計劃」，預計將於2020年動工翻新香港仔街市。

由於已啟用40年，香港仔街市不少現有設施都已老化。「以魚檔為例，唔少渠都已經老化，會造成淤塞，有時啲魚鱗同肉塞住咗，唔係就咁泵就通得返。」南區區議員柴文瀚又指，街市內的通道狹窄，輪椅無法順暢地通過，亦是問題之一。

據食環署今日在會上公佈的計劃，街市於2022年翻新完成後，大型檔位及小型檔位面積將會增加，檔位之間的通道亦會加闊，並更換渠道、電梯及洗手間等設施。現時香港仔街市共有335檔，共232人承租，柴文瀚指翻新過後，販賣食物及如花店般的非食物類濕貨租戶，通通「有得留低」，重開後亦可獲豁免兩個月租金，離場租戶亦會獲發24至27個月現有租金，惟賣鞋、補衫等非食物乾貨類的檔位，將由120檔縮減至40檔。

小型檔位面積增加但數目銳減，柴文瀚表示將與署方商討面積加幅，以令更多商戶可在翻新過後，重返街市：「因為佢唔同賣魚嘅檔位，要留個位畀佢擺水缸，衫店、鞋店個位可以靈活啲。」

因現時不少商戶都未得知有關安排，柴文瀚並未知道有多少戶將會留下：「好多戶詳細情況，有啲都唔知自己原來已經有個檔位，所以我哋會要求食環搵職員向商販解釋返個情況。」他又表示，商戶未必有能力搜尋長遠或暫時的地方，在翻新期間繼續營商，故食環署應向商戶提供詳細資料，以協助他們得到更豐富的資訊，令交接和工程將來可以順暢進行。

翻新期間，區內未必會有位置設置臨時街市，街坊或需移步至漁光道或田灣的街市購物。如食環署成功爭取到南區區議會支持，並落實詳細設計後，預計將於2020年申請立法會撥款，展開翻新工程。