【施政報告】西隧減、東紅隧加無修改空間　林鄭：唔想問題積喺到

林鄭月娥昨日（10日）公布任內第二份《施政報告》，建議由2020年1月1日起，私家車、的士及電單車使用西隧將減價，而使用紅隧、東隧則加價，以達致三隧分流，紓緩過海交通擠塞情況。林鄭月娥今（11日）出席聯合電台的施政答問，指出因西隧為私營隧道，其專營權有效期至2023年，故與西隧公司商討大半年時間，作出補貼方案。
她強調，該建議「無修改空間」，又謂好多議題議而不決，「我唔想同事日日被召去立法會傾一個大家都冇解決方法。我嘅管治風格係唔想問題積喺到。」

↓↓　點擊睇圖．盤點施政報告2018重點政策　↓↓

政府建議由2020年1月1日起，私家車、的士及電單車使用西隧將減價，由現時70元減至50元，政府補貼西隧隧道費以18億為上限。而使用紅隧、東隧就會加價，私家車收費分別由現時20元及25元，加至40元，以達致三隧分流。此外，政府將豁免專營巴士的政府隧道費和青馬及青沙管制區使用費，及由政府繳交專營巴士行走西隧的隧道費。

林鄭月娥表示，由於專營巴士每年繳付數億元隧道費用，佔營運成本相當大，「政府免（專營巴士）幾億元，完全回饋乘客都有效果。」

她補充，針對三隧分流已做多次研究，坊間亦常建議政府回購西隧，政府聘請的顧問研究指出「紅加東加西減」方案，及不可三隧均減價，否則路面出現增加私家車，「係用科學化(解決)，我無政治化咁睇分流。不過西隧減價就棘手，西隧公司專營權到2023年8月，點解要依家減？」

她指，與專營巴士、西隧公司磋商大半年，「十架巴士經過就俾十架巴士錢，私家車就好難難，逐個俾又怕俾多。所以巴士就實報實銷，幾多架經過西隧，係我哋管，私家車就設有上限，需要立法會批准。」

她續指，另一複雜性為西隧公司至2023年期間，均可以加價，「今次困難位，即係大家到2023年前要點傾，點加，唔好哩邊實報實銷，嗰邊就加價。所以有個評論員話我哋益商家，又講錯咗。」

向西隧補貼9.56億元

政府預料2020年起，為專營巴士代繳隧道費，截至2023年8月1日，即西隧專營權屆滿時，需向西隧補貼9.56億元。

她認為，西隧公司是次願意減價，也視社會福祉為依歸，「計完數都唔會蝕入肉，我們會俾返嘅（錢），就算你咩都唔做，到2023年大概都係哩條數，所以最終拍板。」

她又謂，推行該方案會有一定壓力，「今日有評論講係啱嘅，有啲好難嘅議題議而不決，起碼政府做嗮可以做嘅嘢，我就將方案攤喺前邊，立會批就執行，立法會唔批就無辦法，擺埋一邊，就唔好每個月叫我啲同事去傾三隧分流。」她憶述，1999年時紅隧加價由她本人負責，「泊車咪錶加1蚊都做唔到，正如當日都係建制派反對，凡係交通加價都爭議大。」

她強調，與西隧專營公司的方案，沒有修改空間，「我嘅管治風格係唔想問題積係度，每個問題有幾難，就俾社會討論，立法會唔同意就暫時唔好同佢傾，政府精力就咁多，尤其高層精力就係咁多。」