辣媽CEO張慧敏出口不饒人? 兒子:媽媽批評嚴 但其實平易近人

撰文:鄧穎琳
出版:更新:

資深獵頭人張慧敏性格爽直,批評起港爸港媽、畢業大學生時,出口不饒人,感覺不易親近,但在兒子眼中,卻看到不一樣。
兒子Timothy談及媽媽張慧敏的優點、缺點,其兒子坦言,母親會因忙於公事而發脾氣,更會邊逛街邊看瀏覽社交網站,但強調媽媽每次說話前都經過思考,即使罵人,出發點亦是為對方著想,他更以「平易近人」來形容媽媽。
因着兒子的說話,張慧敏亦一度感觸落淚,「我想搵更多錢嘅原因,係要有能力為社會上有需要嘅人付出更多……佢睇得到我嘅奮鬥……我個仔睇得到,我覺得已經夠」她期望子女日後能做最好嘅自己。

張慧敏的兒子Timothy(右)本學年到外國升學,他在出發前與媽媽接受《香港01》訪問。(吳鍾坤攝)

張慧敏兒子:媽媽批評雖嚴厲 但都是為對方着想

有「辣媽」之稱的獵頭公司Core Search董事總經理張慧敏,人前、鏡頭前屢屢痛罵港爸港媽、大學畢業生,但原來在鏡頭外,她有不為人知的一面。張慧敏的兒子Timothy本學年到外國升學,他在出發前曾與媽媽接受《香港01》訪問時透露,媽媽在忙於公事時,偶爾會發脾氣,但大部分時間都是平易近人,對於有意見批評其母過於嚴厲,他說希望替媽媽「澄清」,強調媽媽出發點是為對方着想,說出口的話都經過思考。

好多人一睇媽咪個樣,就覺得佢好惡、好強勁,唔敢接近佢,但你同佢相處過後,佢無論做任何嘢、講任何說話都考慮過人哋嘅感受,佢嘅出發點係想每個人好……如果真係相處,你唔會覺得好有壓迫感。
張慧敏的兒子Timothy

大讚母親孝順 擔心自己未能效法

Timothy又說,媽媽另一個不為人知的優點是「孝順」:「佢對公公婆婆無微不至,有咩需要,生活、起居飲食,媽咪都照顧得好足夠,個程度係第時媽咪爸爸老咗,我做唔做到呢?我心入面都有疑問嗰種!」

至於兒子的優點?張慧敏除了以「靚仔」形容兒子,更指他孝順、善良、有愛心及體貼。她稱兒子從少已懂得大方分享,而且十分照顧身邊人:「擔遮永遠係自己濕大半邊身。」

+8

媽媽有何缺點?Timothy即大聲笑稱「我棄權」,再被追問時,他透露媽媽經常「行街睇Facebook」、在工作繁忙時更會發脾氣。

媽咪做完嘢返屋企,仍有公事或者要寫稿,你同佢講嘢,佢個腦仍然轉緊公務,個人會好急……係咁鬧人:『講極你哋都唔明!』
張慧敏的兒子Timothy
張慧敏(左)說,只希望子女能做最好的自己。(吳鍾坤攝)

張慧敏聽後表示,憶述「場景」解釋指,當時社會正討論情緒勒索,她擔心會有情緒困擾的讀者求助,所以較為緊張。

張慧敏:不想子女活在他人期望 只盼他們做「最好的自己」

對彼此有何期望?張慧敏堅定地說,兒時經歷過其母「高壓式」教導後,只希望子女能做最好的自己:「我好相信我仔囡嘅能力,好相信佢哋兩個各有才華同天賦,我唔想佢哋活喺其他人嘅期望或者世俗所謂嘅成功,我只有一個要求,係做最好嘅自己!」

Timothy卻稱,希望自己成為「似媽咪嘅自己」,他解釋,未必要跟隨媽媽從事同一行業,但認同媽媽做人處事的方針,形容母親是他的模範,更希望媽媽的事業可以更上一層樓。

張慧敏兒子:盼母事業更上一層樓 能回饋社會更多

Timothy解釋,媽媽一直希望回饋社會更多,相信若她能在事業上更上一層樓,將可以做到更多。張慧敏聽後一度感觸落淚,她直言,初時見到兒子寫上「事業更上一層樓」時,正打算責罵兒子,沒想過他有其他看法:「我想搵更多錢嘅原因,係要有能力為社會上有需要嘅人付出更多……佢睇得到我嘅奮鬥……我個仔睇得到,我覺得已經夠,所以咁感動!」她透露未來或會成立「神媽學院」,培訓其他人擔任人生導師。