銅鑼灣蘋果店外炒賣氣氛熱烈，但當中仍有真心「果粉」買iPhone 7自用。有用家指雖然三星的Galaxy Note 7功能不錯，但發生連串電池爆炸事件，故仍選擇用iPhone，對炒賣習以為常。有內地遊客由於舊iPhone來港後壞掉，今日加200元向果農買入一部玫瑰金色細機，認為仍比在內地購買便宜。

Note 7爆炸　「果粉」不敢轉會

於大學就讀經濟的陳小姐，今日到銅鑼灣蘋果店取機。她表示，由2012年起已開始使用蘋果iPhone，但用了多年已有嚴重損耗，因此訂購一部玫瑰金iPhone 7手機自用，「Note 7又爆炸，就算係好都唔敢用，iPhone無乜問題就繼續用；但今年呢部新機無乜新功能，同6s差不多......但都係佢穩定啲。」她稱不會理會炒賣情況，對炒賣蘋果新手機習以為常。

想炒賣亮黑機補貼買玫瑰金

由三星「轉會」為果迷的李小姐表示，上周蘋果開售時希望訂購到亮黑色新機，出售後賺到錢，幫補買入玫瑰金型號，但未能成功，只訂到玫瑰金型號。她説多年來使用過多部手機，均數個月至一年壞掉而報銷，不少朋友推薦她改用iPhone，故買一部嘗試。「賣唔出無所謂嘅，自用嘛！自用唔洗理樓下（收機者）咁多，人有人炒，不嬲都炒啦！」

北京遊客指向果農買機仍比內地便宜

北京來港旅遊的范小姐表示，昨日一到埗已弄壞原用的舊iPhone 。作為果粉的她今日急不及待向果農回入部一部玫瑰金iPhone7，「門市買不到，所以買出面的（收機攤），雖然要貴了兩百，但我還覺得可以的。」范續説，內地可能會更貴，而且內地收機檔的售價比香港來得猖獗，所以認為價格還算合理。

以她購買的細機128GB計算，內地賣人民幣6,188元，折合約7,192港元。同一型號在港售6,388元，她加多200元向果農買入，仍節省約600港元(515元人民幣)。

孝順仔加錢收機送給母親

剛出來工作一年的劉先生表示，母親及表姨想更換新手機，但又未能在蘋果網頁訂購到，因此今日到銅鑼灣蘋果店外，加錢向果農收購兩部，希望能以每部7,800元買到兩部玫瑰金128GB大機送給她們，每部比官方價高412元。「我之前又撳唔到，見到今朝價位唔高就來碰下運氣。」他只在店外站約5分鐘，便有一名女子向他賣機，劉生與賣家傾談了「幾口價」便成交，功成身退，「我頭先未敢同阿媽講，而家成功咗可話佢知換得機啦。」

賣機給他的黃小姐則説：「呢度太多大陸賣家，但聽到佢話自用，又係香港人，咪幫下佢囉！」