的士爭路可以去得幾盡？答案是寸步不讓！昨網上瘋傳一則短片，兩部市區的士在單行線爭路各不相讓，叮噹馬頭並駕齊驅推進，鬥氣的下場怎會好，結果是兩車貼得太近發生擦撞，其中一的士哥落車怒罵，口角又動武。

片段昨日開始網上流傳，全長一分鐘，只見在行車天橋位置，單行線行車，似是下班繁忙時間路面擠塞，兩部的士為了爭路各不相讓，步步推進，齊上齊停，總之不被對方爬頭，兩車如「連體嬰」般互閘40多秒，右邊的士左邊倒後鏡，撞到左邊的士右邊倒後鏡，左車司機氣沖沖落車大罵，右邊司機調低車窗理論，即吃了一拳，全片完結。

事件引起網民熱議，大都意見是相煎何太急，兩司機駕駛態度均有問題：「贏了位置，輸了時間，何必呢！」、「的士佬爭位不如爭氣D啦」、「狗咬狗」、「兩個打和，係泰加輸」、「揸的士至可以咁癲，紅燈停到過哂白界，呠人 cut線 乜都做齊」。