荃灣南豐中心3個相連的散貨場短租舖位，其中1間66歲姓陳店主今（15日）早返舖時，發現店面混亂，有貨物不翼而飛。查問之下，原來毗連另外2個賣服裝的散貨場，同樣被偷去貨物。店主見賊匪如此猖狂，報警處理。

在南豐中心散貨場售賣太陽眼鏡等貨物的陳姓店主表示，今早回來發現「啲嘢冧咗」，點算之下損失46對防曬手袖、香水及太陽眼鏡，金額約1000元。陳坦言損失金額細，本來不打算報警，但細問之下原來相連2個賣服裝的散貨場，同樣有貨物被偷；相信賊人經她店舖穿過鄰舖犯案。

「隔離兩間又話俾人偷嘢，即係連續三間都俾人偷。」她認為賊匪猖狂，決定報警處理。她表示每日收舖都會影相及點算貨品數目，店面情況有相為證。今次被偷去「鎮店三寶」手袖、香水及太陽眼鏡，陳小姐指手袖最受客人歡迎：「我知佢（賊人）實攞㗎啦，最好賣呢個（手袖），同埋佢賣出去賣$10㗎嘛可以，行家偷一定係必賣。太陽眼鏡都係。」